निर्वाचन आयोगं राजनीतिक दलपिनिगु उम्मेदवार तय यायेगु समावेशिता बिचाः यायेत निर्देशन बिउगु दु।

बुधबाः दलपिनिगु नामय् १२ बुँदे निर्देशन जारी यासे आयोगं लैंगिक नाप समावेशी प्रतिनिधित्व सुनिश्चित जुइगु कथं उम्मेदवार मनोनयनया व्यवस्था यायेत इनाप याउगु दु। स्थानीय तहया प्रमुख व उपप्रमुख वा अध्यक्ष व उपाध्यक्षया पदमध्ये छगु पदय् मिसापिनिगु मनोनयन याये माःगु व्यवस्था दु धका आयोगं स्मरण याउगु दु।

अथेहे २०७४ य् १७५ दलित मिसा वडा सदस्य पदय् उम्मेदवारी हे मदु धासे आयोगं धाउगु दु, ‘‘प्रचलित कानून बमोजिम दक्को वडाय् दलित मिसा उम्मेदवारी जुएइगु व्यवस्थाया लागि माःगु कुतः यायेगु।’

राजनीतिक दलयात सामाजिक सञ्जाल प्रयोग यायेगु इलय् मिसा व समावेशी समूहया मनू तयेगु भावनाय् नकारात्मक असर जुइगु कथं गलत, भ्रामक वा द्वेषपूर्ण सूचना प्रवाह मयायेत न आयोगं इनाप याउगु दु।

Categorized in राष्ट्रिय