२०८० चैत्र १६, शुक्रबार

मोबाइल खुँया हःगु द्धपनय् छम्हेसित ज्वंगु दु

लहनान्युज | चिल्लागा चतुर्दशी ११४२, १७ बिहीवाः

प्रहरीं भन्सार छलेयाना खँुया हःगु मोबाइलनाप छम्हेसित ज्वंगु दु।

येँया नागार्जुन नगरपालिका–३ इचंगुनारायण च्वम्ह २९ दँ दुम्ह आशिक श्रेष्ठयात प्रहरीं ज्वंगु खः।

प्रहरीं वयाके भिभो कम्पनीया मोबाइल छगः, ओप्पो कम्पनीया मोबाइल प्यगः, सामसुङ कम्पनीया मोबाइल गुंगः, रेडमी कम्पनीया मोबाइल न्यागः, आइफोन मोबाइल छगः, रियल मी कम्पनीया मोबाइल न्यागः व वान प्लस कम्पनीया मोबाइल न्यागः बरामद याउगु खः।

वयात ज्वना माःगु कथं कारबाहीया लागि अन्तराष्ट्रिय विमानस्थल भन्सार कार्यालय, गौचरन छ्वंगु दु।

Categorized in अपराध