सत्तारुढ दलपिन्स स्थानीय तह चुनावय् एकतावद्ध जुया वनेगु निर्णय याउगु दु। प्रधानमन्त्री निवास वालुवाटारय् च्वंगु बैठकं चुनावय् मिले जुया वनेगु सहमति जुगु दु।

बैठकलिपा पत्रकारपि नाप खँ ल्हानादीसे कांग्रेस नेता ज्ञानेन्द्रबहादुर कार्की न न्यागु दलीय गठबन्धनं स्थानीय तह चुनावय् तालमेल याना न्ह्यावनेगु निर्णय जुगु दु धका धाउगु दु।

तालमेलया लागि प्रदेशस्तरीय व जिल्लास्तरीय व पालिकास्तरीय समिति दयका वनेगु सहमति जुगु खः। ‘समितिं २२ गते दुने प्रदेश, जिल्ला व स्थानीय तहया स्थितिया बारे प्रतिवेदन बिइ’, कार्की न धाउगु दु, ‘वया लिपा प्रतिवेदनया आधारय् तालमेल जुइ।’

चुनावी तालमेलया बाँकी याउगु प्रक्रियाया विषय हाकनं छलफल याना न्ह्यावनेगु सहमति जुगु दु धका धाउगु दु ।

Categorized in राष्ट्रिय