भानु मा. वि. (दरबार हाई स्कूल) य् रोवोटिक्स प्रयोगशाला व अन्तरक्रियात्मक शिक्षण बोर्डया उलेज्या यानादीगु दु। \

महानगरया मेयर विद्यासुन्दर शाक्यं प्रयोगशाला नाप बोर्डया उलेज्या यानादीगु खः। महानगरपाखे ३८ लाख रुपैयाँ अनुदान रकम मध्ये २१ लाख ८७ हजार २७५ रुपैयाँ न ६ खुगः इन्टरएक्टिभ बोर्ड व १४ लाख ६ हजार ९१८ रुपैयाँ रोवोटिक्सया सामग्री खरिद याउगु खः।

उगु सामग्रीपाखे प्रयोग यासे विद्यार्थीपिन्स स्मार्टया नमूना दयका थीथी उपकरण दयका मेयर शाक्ययात क्यंगु खः। उलेज्या यानादीसे मेयर शाक्यं, बागु दर्जन स्वया अप्पो चुनौतीया सामना याना विद्यालय पुननिर्माण यानागु अवस्थाया खँ कनादीगु खः, विद्यालयं गज्यागु परिणाम वइगु धइगु च्यूता जुगु धका धयादीगु खः।

सामुदायिक विद्यालययात स्तर थकायेगु निति येँ महानगरं थीथी ज्याझ्वः सञ्चालन यानागु दु धका धयादीगु खः ।

२०७२ सालया भुखाचं जीर्ण जुगु दरबार हाइस्कूल पुननिर्माणया ज्या चीन सरकारया ग्वाहालि निर्माण जुगु खः। भवनया डिजाइन चीनया चाइना एभिएसन प्लानिङ् एण्ड डिजाइनिङ् इन्टिच्युट न याउगु खः।

Categorized in राष्ट्रिय