२०७९ जेठ ७, शनिबार

आईपीएलय् बेङ्ग्लोरं राजस्थानयात प्यंगु विकेटं बूकल

लहनान्युज | चौलाथ्व पंचमी ११४२, २३ बुधवाः

इन्डियन प्रिमियर लिग आईपीएल क्रिकेटय् रोयल च्यालेञ्जर्स बेङ्ग्लोरं त्याकूगु दु।

वान्खडे मैदानय् वंगु चान्ह्यः जुगु कासाय् राजस्थान रोयल्सया प्यंगु विकेटं बूका बेङ्ग्लोरं त्याकूगु खः। राजस्थानं बिउगु १ सय ७० रनया लक्ष्य बेङ्ग्लोरं १९ ओभर १ बलय् खुगु विकेट गुमे याना त्याकूगु खः ।

बेङ्ग्लोरया लागि शाहबाज अहमेदं दकलय् अप्पो ४५ रन दयकूगु खःसा दिनेश कार्तिकं अविजित ४४ रन दयकूगु खः। राजस्थानया ट्रेण्ड बोल्ट व युजभेन्द्र चाहल न निगु निगु विकेट काउगु खः।

अथेहे न्हापा ब्याटिङ याउगु राजस्थानं २० ओभरय् स्वगु विकेट गुमे याना १ सय ६९ रन दयकूगु खः। राजस्थानया जोस बट्लरं अविजित ७० रनया अर्धशतकीय पारी म्हितूगु खः।

बेङ्ग्लोरया डेभिड विलि, वानिन्दु हसरङ्गा डी सिल्भा व हर्सल पटेलं छगु छगु विकेट काउगु खः। 

Categorized in कासा