नेकपा एमाले न भरतपुर नगर कमिटीया मेयर याउगु उम्मेदवारय् विजय सुवेदीया नां सिफारिस याउगु दु।

सर्वसम्मत रुपं सुवेदीया नां  जक सिफारिस जुगु दु।आः टिकट सुवेदीपाखे वइगु निश्चित थे जुगु दु। उम्मेदवार सिफारिसया लागि एमाले भरतपुर महानगर कमिटीया विस्तारित बैठक आइतबाः च्वंगु खः।

बैठकय् एमाले पोलिट्ब्यूरो सदस्य नाप चितवन जिल्ला इन्चार्ज देवी ज्ञवालीं सुवेदीया नां प्रस्ताव याउगु खःसा चितवन क्षेत्र नं. २ या सांसद कृष्णभक्त पोखरेलं समर्थन याउगु खः।

मेयरया दावेदार कथं कयातम्ह ज्ञवालीं थः जिल्ला इन्चार्ज जुगुलि नेतापिनिगु सहमतिइ सुवेदीयात न्ह्यने हयागु जानकारी बिउगु खः।

मेयरय् सुवेदी व उपमेयरय् ११ म्ह आकांक्षीपिनिगु नां आः प्रदेश कमिटी जुया केन्द्रय् वनिइ धका एमाले चितवनया अध्यक्ष रामप्रसाद न्यौपाने न जानकारी बिउगु दु।

Categorized in राष्ट्रिय