एमालेपाखे यल महानगरपालिकाया मेयरया उम्मेदवारय् हरिकृष्ण व्यञ्जनकार सिफारिस जुगु दु।

यल महानगर कमिटीं व्यञ्जनकारयात मेयरया लागि सिफारिस याउगु दु। व्यञ्जनकार २०७४ या चुनावय् कांग्रेसया चिरिबाबु महर्जननाप पराजित जुगु खः।

अथेहे, उपमेयरया निति मन्जली शाक्यया नां सिफारिस जुगु दु। एमालेपाखे चितवनया भरतपुर महानगरपालिकाया मेयर पदय् विजय सुवेदीया नां सिफारिस जुइ धुकुगु दु।

एमाले न उम्मेदवारया नां सिफारिसया कन्ह्यः चैत्र ३० या लागि तोके यानातःगु दु।

Categorized in राष्ट्रिय