नेकपा माओवादी केन्द्रं थःगु चुनावी पोस्टरय् नेपाल विद्युत् प्राधिकरणया कार्यकारी निर्देशक कुलमान घिसिङया किपा न तःगु दु।

पार्टी अध्यक्ष पुष्पकमल दाहाल प्रचण्डया आधिकारिक फेसबुक पेजय् थौं बुधबाः सार्वजनिक याउगु डिजिटल पोस्टरय् प्रचण्ड, अर्थमन्त्री जनार्दन शर्मा व प्राधिकरणया कार्यकारी निर्देशक घिसिङया तस्बिर दुगु खः।

डिजिटल पोस्टरय् ‘अँध्यारोबाट उज्यालोतर्फको यात्रा’, ‘लोडसेडिङ अन्त्य एउटा फड्को, अब पालो निःशुल्क बिजुलीको’ च्वयातःगु खः।

निर्वाचन आचारसंहिताय् सरकारी कर्मचारीपि छु न राजनीतिक दल वा उम्मेदवारया पक्ष वा विपक्षय् प्रचारप्रसारय् संलग्न यायेगु रोक लगे याउगु खः।

Categorized in राष्ट्रिय