नेपाली कांग्रेसया केन्द्रीय सदस्य आरजु राणा देउवां निर्वाचन आयोगं संविधानयात न्ह्यूगु द्धपः बिउगु दु।

निर्वाचन आयोगं स्थानीय तहया प्रमुख उपप्रमुख वा अध्यक्ष उपाध्यक्ष मध्ये छु न छगु पदय् जक उम्मेदवारी दर्ता यातकी मिसा हे दयकेमाःगु बाध्यकारी व्यवस्था मयाउगु धका असन्तुष्टि प्वकूगु दु।

वयकलं आयोगं संविधानयात न्ह्यूउगु धका द्धपः बिउगु खः। वयकलं थःगु फेसबुकय् च्वयादीगु दु, ‘नेपाःया संविधानया धारा ३८(४) यात न्ह्युइगु अधिकार निर्वाचन आयोगयात मदुगु धइगु बारे निर्वाचन आयोगयात अवगत यासे प्रमुख निर्वाचन आयुक्त व निर्वाचन आयोगया मेमेपि सदस्यपिन्त नेपाःया संविधानयात तसकं सम्मान यासे थुगु निर्णय भिंकेत इनाप यानागु दु।’

नेता आरजु च्वयादीगु दु संविधानया धारा ३८(४) य् च्वयातःगु दु, ‘राज्यया दक्को निकायय् मिसापिनिगु समानुपातिक समावेशी सिद्धान्तया आधारय् सहभागी जुइगु हक दु।’

Categorized in राष्ट्रिय