२०७९ आश्विन ९, आइतबार

द्यःयामूर्ति नाप निम्हेसित प्रहरीं ज्वंन

लहनान्युज | चौलागा तृतीया ११४२, बैसाख ६ मंगलवाः

नागार्जुन नगरपालिका–७ य् इन्द्रायणी द्यःया थाय् सोमबाः सुथय् खुया यकूगु द्यःया मूर्ति नाप निम्हेसित प्रहरीं ज्वंगु दु।

येँ महानगरपालिका–१४ कलंकी खड्कागामय् च्वम्ह सिन्धुली दुधौली नगरपालिका–४ डाँकाबजार छेँ दु म्ह ३० दँ दुम्ह उमेश खड्का व धादिङ धुनीवेशी नगरपालिका–४ छेँ दुम्ह ५६ दँ दुम्ह कान्छा मगरपिन्त प्रहरीं ज्वंगु दु।

छम्हेसिया नागार्जुन नगरपालिका–६ फस्कुस्थित सतकय् बोरा दुने खुया हःगु सामान ज्वना वयाच्वंगु धइगु सूचंया आधारय् प्रहरी बृत्त स्वयम्भू न खटे जुयावम्ह प्रहरीं उमेश खड्कायात द्यःया मूर्ति नाप ज्वंगु खः।

Categorized in अपराध