पर्साया ठोरी गाउँपालिका–१ या वडाध्यक्ष रामप्रकाश कुँवर नेकपा माओवादी केन्द्र परित्याग याना जनता समाज पार्टी (जसपा) य् प्रवेश याउगु दु।

जसपां येँ जुगु ज्याझ्वः दथुइ ठोरी–येँ सम्पर्क मञ्च गठन यासे कुँवर जसपाय् प्रवेश याउगु दु। वडाध्यक्ष कुँवरयात जसपाया केन्द्रीय सदस्य अञ्जन शाक्य लगायतया नेतापिन्स पार्टी प्रवेश याकूगु खः।

माओवादी केन्द्रपाखे निर्वाचित वडाध्यक्ष कुँवर ठोरी गाउँपालिकाया प्रवक्ताया समेत भूमिका निर्वाह यानाच्वंम्ह जनप्रतिनिधि खः।

ठोरीं विकासया निति जसपाया नेतापिन्के बालागु बिचाः दुगु कारण थः जसपाय् प्रवेश यानागु खः धका कुँवरं धाउगु दु।

Categorized in राष्ट्रिय