नेकपा एमाले न प्रदेशसभा सदस्यपिन्त स्थानीय तहय् उम्मेदवार मदयकेगु निर्णय याउगु दु।

थौं बिहीबाः बालकोटय् च्वंगु सचिवालय बैठकं सिफारिस जूपि प्रदेशसभा सदस्यपिन्त उम्मेदवार मदयकेगु निर्णय याउगु दु। एमालेया थुगु निर्णयलिपा पोखरा महानगरपालिकाय् मेयर दावी यानाच्वंम्ह कृष्ण थापा व राजीव पहारी उम्मेदवार जुइ मखगु दु।

महानगरया मेयर लागि थापा व पहारीनाप झीनिम्हसिगु नां सिफारिस जुगु खः। पोखरानाप खुगु महानगर व ११ उपमहानगरपालिकाय् मेयरया लागि सिफारिस जुगु नां सचिवालय बैठकय् न्ह्यब्बःगु खः।

सिफारिस जूपिनिगु नां  प्रदेशसभा सदस्यपिन्त उम्मेदवार मदयेकेगु सहमति जुगु धका छम्ह नेतां धाउगु दु। तर भरतपुर महानगरपालिकाय् मेयरया उम्मेदवार जुम्ह विजय सुवेदीबारे धासा थुगु  निर्णय लागू जुइ मखु धका धाउगु दु।

सुवेदी महानगरया उम्मेदवार जुगुलि बिहीबाः हे वागमती प्रदेशसभा सदस्यपाखे राजीनामा बिइ धुकुुग दु।

Categorized in राष्ट्रिय