यलय् अक्सिजन सिलिण्डर विष्फोट जुया निम्ह सीउगु घटना छानबिनया लागि उद्योग, वाणिज्य तथा आपूर्ति मन्त्रालयं छगु समिति दयकूगु दु।

छानबिनया लागि मन्त्रालयया सह–सचिव चन्द्रकला पौडेलया नेतृत्वय् खुम्हेसिगु समिति दयकूगु दु। मन्त्रालयं बिहीबाः प्रेस विज्ञप्ति जारी यासे समितियात न्ह्यन्हुया दुने घटनाया यथार्थ जानकारी पेश यायेत धाउगु दु।

बिहीबाः सुथय् १० बजे पाटन औद्योगिक क्षेत्र दुने सगरमाथा अक्सिजन उद्योगय् अक्सिजन भरे यायेग झ्वलय् विष्फोट जुया भारतीय नागरिक वृहमोहन महतो व राजकुमार महतो निम्ह सीउगु खः।

विष्फोटया कारणबारे अनुसन्धान जुयाच्वंगु दु धका यलया प्रहरीं धाउगु दु। 

Categorized in राष्ट्रिय