नेकपा (एमालें) येँ महानगरया चुनावी प्रतिवद्धतापौ स्वंगू भासं सार्वजनिक पिकाउगु दु। नेकपा (एमाले) येँ महानगर कमिटीं स्वंगू भाषाया प्रतिवद्धतापौ सार्वजनिक याःगु खः।

एमालें खस नेपाली, नेपालभाषा व अंग्रेजी भासं थःगु प्रतिवद्धतापौ सार्वजनिक याःगु खः । उगु प्रतिवद्धतापौ फुक्कसिनं थुइगु सम्पर्क भाय् खस नेपालीया नापं येँया स्थानीय भाय् नेपालभाषा व ल्याय्म्ह पुस्ता नापं निगुलिं भाय् मथुपिं विदेशीतय् निंतिं अंग्रेजी भासं प्रतिवद्धतापौं तयार याःगु खः।

नेपालय् दुगु फुक्कं भाय्प्रति सम्मान प्वंकूसें प्रतिवद्धतापौ पिथनेवलय् सम्प्रेषणीय जुइगुलिं नेकपा (एमालें) स्थानीय भाषाय् नं प्रतिवद्धतापौ सार्वजनिक याःगु खः।

नेकपा एमालें येँ महानगरया निंतिं पिथंगु प्रतिवद्धतापौलय् मुक्कं १०८ गू बुँदा दुथ्याः । थुकी येँया सम्पदा, पूर्वाधार निर्माण, फोहरमैला व्यवस्थापन थंज्याःगु विषय केन्द्रित बुँदात न्ह्यथनातःगु दु।

Categorized in राष्ट्रिय