नेप्से थौं ९५ दशमलव ४६ अङ्कं थहावन
रसिया श्रेष्ठ | चौलागा अष्टमी ११४२, बैसाख ११ आईतवाः
छु दिं न्ह्यनिसे लगातार क्वहा वयाच्वंगु शेयर बजाः थौं आइतवाः थहावंगु दु।
शेयर बजाः परिसूचक नेप्से थौं ९५ दशमलव ४६ अङ्कं थहावना २ हजार ४ सय २० दशमलव ९१ विन्दुइ थ्यःगु दु। दक्को समूहया शेयर थहावगु दिं बीमा, जलविद्युत्, फाइनान्स, विकास बैंक व माइक्रो फाइनान्स समूहया शेयर थहावंगु दु।
थौं कारोबार रकम धासा सुधार जुगु दु। २ सय ३८ गु कम्पनीया ६६ लाख ३९ हजार कित्ता शेयर २ अर्ब ५३ करोड १२ लाख रुपैयाँ कारोबार जुगु दु।
दकलय् अप्पो सानिमा बैंक प्रमोटर शेयर २२ करोड रुपैयाँया किनबेच जुगु दु। बेस्ट फाइनान्स, नेशनल हाइड्रोपावर लगायतया १२ गु कम्पनीया शेयर १० प्रतिशतं थहावना सकारात्मक सर्किट लगे जुगु खः।
थौं जम्मा प्यंगु कम्पनीया शेयर घटे जुगु दु।
Categorized in राष्ट्रिय