उम्मेदवारविरुद्ध थौं उजुरी बिइगु दिं
लहनान्युज | चौलागा एकादशी ११४२, बैसाख १३ मंगलवाः
थ्व हे वइगु ३० गते जुइगु पालिका चुनावया लागि मनोनयन दर्ता जूपि उम्मेदवार विरुद्ध थौं उजुरी बिउगु दु।
मनोनयन दर्ता याम्ह मनूयात आयोगं तोके याउगु मापदण्ड कथं उम्मेदवार दयकेत अयोग्य जूम्ह कारणनाप उजुरी बिइ फइ धका निर्वाचन आयोगं धाउगु दु।
मनोनयन दर्ता याउगु निर्वाचन अधिकृतं कार्यालयय् उजुरी दर्ता याये फइ। म्हिगः व म्हिगः मनोनयन दर्ता यापि उम्मेदवारपिनिगु सूची निर्वाचन अधिकृतया कार्यालयं वंगु चान्ह्य प्रकाशन याये धुकुगु दु सा बाँकी दुपि कार्यालयं थौं प्रकाशन याइ।
अथेहे कन्हय व म्हिगः मनोनयनपत्र जाँच याइ व उजुरीइ जाँचबुझ यायेगु निर्णय जुगु दु धका निर्वाचन आयोगया प्रवक्ता शालिग्राम शर्मा पौडेलं जानकारी बिउगु दु ।
१५ गते बहनि ५ बजेतक मनोनयन दर्ता जूपि उम्मेदवारपिनिगु नां प्रकाशन याउगु दु। १६ गते उम्मेदवारं नां लितका काये फइव उम्मेदवारया लिपागु नामावली प्रकाशन याइगु धलः दु।
१७ गते उम्मेदवारयात चुनाव चिं लल्हाइ धका आयोगं धाउगु दु।
Categorized in राष्ट्रिय