वैशाख ३० गते जुइगु स्थानीय तह निर्वाचन अन्तर्गत निर्वाचन आयोगं मनोनयनपत्र व उजुरीइ जाँचबुझ यायेगु थौं लिपागु दिं खः।

म्हिगः व थौं मनोनयनपत्र व उजुरीइ जाँचबुझ यायेगु आयोगया धलः दुगु खः। आयोगं वैशाख १३ गते उमेदवारया विरोधय् उजुरी बिइ फइगु व्यवस्था दु।

१३ गते बहनि ५ बजेतक स्थानीय तह निर्वाचनया लागि उमेदवारी मनोनयन दर्ता याउगु विरोधय् उजुरी बिइगु ई क्वछिउगु खः।

थौं बहनि ६ बजे मनोनयन जूपिनिगु उमेदवारपिनिगु नामावली प्रकाशन याइगु आयोगया कार्यतालिकाय् दु। अथेहे, आयोगया तालिका कथं कन्ह्य १६ गते बहनि ५ बजेतक उमेदवारी लित कायेफइ।

कन्ह्यः बहिनि ५ बजे आयोगं लिपागु नामावली प्रकाशन याइ। १७ गते चुनाव चिं लल्हाइगु आयोगया ज्याझ्वः दु। १ लाख ५२ हजार ४६५ मनोनितया विवरण संकलन जुगु आयोगं धाउगु दु।

वैशाख ३० गते जुइगु निर्वाचनय् ३५ हजार २२१ पदया लागि मतदान जुइत्यःगु दु।

Categorized in राष्ट्रिय