२०८० चैत्र १६, शुक्रबार

उम्मेदवार मनोनयन लितकायेगु लिपागु थौं लिपागु दिं

लहनान्युज | चौलागा चतुर्दशी ११४२, बैसाख १६ शुक्रवाः

वैशाख ३० गते जुइगु स्थानीय तह निर्वाचनया लागि मनोनयन दर्तायापिन्स थौंतक थःपिनिगु उम्मेदवार मनोनयन लितकाये फइ।

थःपिनिगु उम्मेदवारी लितकायेगु निति निर्वाचन आयोगं थौं बहनि ५ बजे तक ई बिउगु दु। उम्मेदवारी लितकायेगु ई क्वचायेवं हे उमेदवारपिनिगु अन्तिम नामावली प्रकाशन यायेगु आयोगं धाउगु दु।

स्थानीय तह निर्वाचनया लागि वैशाख ११ व १२ गते उम्मेदवारी दर्ता याउगु खः। देयन्यकं १ लाख ५३ हजार स्वया अप्पोस्वया उमेदवारी दर्ता याउगु खः।

उगु उम्मेदवारीय् दावी विरोध नाप उजुरीइ जाँचबुझ याना आयोगं बिहीबाः बहनि उम्मेदवारपिनिगु नामावली प्रकाशन याउगु खः। थौं उमेदवारी लितका कायेमापिन्स लितकाये धुका अन्तिम नामावली प्रकाशन याइ धका आयोगं धाउगु दु।

वयालिपा १७ गते उम्मेदवारपिन्त चुनाव चिं लल्हाइगु आयोगया कार्यतालिकाय् दु।

Categorized in राष्ट्रिय