नेकपा (एमाले)या येँ महानगरपालिका उपप्रमुखया उमेदवार सुनीता डंगोलं ‘समृद्ध नेपाल, सुखी नेपाली’या अभियानं थः प्रभावित जुगु दु धका धाउगु दु।

आइतबाः येँया भृकुटीमण्डपय् जुगु छगु ज्याझ्वलय् न्ववायेगु झ्वलय् वयकलं धयादीगु दु देश विकासया ज्या न्ह्याकेगु निति एमाले अध्यक्ष केपी शर्मा ओली हाकन प्रधानमन्त्री जुइमाः धका धयादीगु खः।

“समृद्ध नेपाल, सुखी नेपालीया नारां हे जि प्रभावित जुयाउगु खः। हाकन विकासया लहर वयेमाः। नेकपा (एमाले)या नेतृत्वय् सरकार दयकेमाः। हाकन नेकपा (एमाले)या अध्यक्ष केपी शर्मा ओली प्रधानमन्त्री जुइमाः,” वयकलं धयादीगु दु, “देश विकासया ज्या बालाक्क न्ह्याकेगु पाखे वनेमाः। समृद्ध नेपाल, सुखी नेपालीयात नाराय् जक मखु, यथार्थय् हिइकेमाः।”

वइगु स्थानीय तह निर्वाचनय् एमालें ७० प्रतिशत थासय् विजयी यायेमाः धका धाउगु दु। आः संघीय निर्वाचनय् एमाले न दुईतिहाइ बहुमत हयेमाः व उकिया आधारय् स्थानीय निर्वाचन जुगु धका धाउगु खः।

Categorized in राष्ट्रिय