चितवनया भरतपुर महानगरपालिकाया मेयरय् उम्मेदवार जूम्ह जगन्नाथ पौडेलं थःगु उम्मेदवारीइ सत्ता गठबन्धनया नेतापिन्स क्वह्यःगु टिप्पणी याउगु दु धका धाउगु दु।

थः मेयरय् दनागुलि पूर्वप्रधानमन्त्रीपिन्स देश बर्बाद जुइगु टिप्पणी याउगुलि थःत ग्लानी जुगु दु धका धयादीगु दु। थौं शनिबाः भरतपुरय् समर्थकपिन्त सम्बोधन यायेगु झ्वलय् उम्मेदवार पौडेलं धाउगु दु, ‘‘प्रजातन्त्र वःगु दु, सू मनखं चुनाव ल्वाये धाय्वं आकाश कुतु वइला? सू न मनूखं चुनाव ल्वाइ, त्याइ बुइ।

थ्व ला मतदातापिनिगु निर्णय जुइ। प्रधानमन्त्री जुइ धुकुपिन्स थज्यागु टिप्पणी याउगुलि जितः आत्मग्लानी जुगु दु।” वयलक धाउगु दु गठबन्धननाप थःगु छु न सम्बन्ध मदुगु, ‘मेयर दनिवं देशय् बर्बाद हे जुइ। गठबन्धन त्वाःधइगु। आकाश कुतुव वइगु कथं खँ जुगु। थ्व अजु चाइपुगु जुगु दु।’

Categorized in राष्ट्रिय