नेकपा एमालें यल महानगरपालिकाया उपमेयरया प्रत्यासी मन्जली शाक्यं बैशाख ३० गते जुइत्यंगु निर्वाचनय् मतदातां थःत त्याकाब्यूसा महानगरया समृद्धिलिसें न्यायिक अभ्यास संस्थागत याय्गु धाःगु दु।

न्यागू दलिय गठबन्धनं यल महानगरया उपमेयरय् मिजंयात थनाः संविधानं मिसायात ब्यूगु अधिकारविरुद्ध हताः याःगु धासें थःत त्याकाब्यूसा मिसाया हक अधिकार सुनिश्चित याय्त महत्वपूर्ण भुमिका म्हितेगु धयादिल।

बिहिबाः जूगु पत्रकार सम्मेलनय् न्ववासें वय्कलं मिसाया समस्या मिजनं सतिकं थुइके मफइगु धासें गठबन्धनविरुद्ध एमालें याकःचां उम्मेदवारी बियागु धयालिद।

‘महानगर अन्र्तगत चक्रपथ पिनेया साविकया गाविसय् आधुनिक कृषि, रोजगारी सिर्जना यानाः शहरी गरिब उन्थान याय्गु योजना दु,’ वय्कलं धयादिल।

Categorized in राजनीति