लगातार निन्हुयक थहावंगु सेयर बजाः परिसूचक नेप्से थौं बिहीबाः हाकन घटे जुगु दु।

बिहीबाः १८.६४ अंकं घटे जुया बजार २३५०.४२ विन्दुइ कुहावंगु दु। स्थानीय निर्वाचन न्ह्यः थ्व हे लिपागु कारोबार खः। बिहीबाः उत्पादन नाप प्रशोधन व मेमेगु उप समूह जक थहावंगु दु। थौं दकलय् अप्पो विकास बैंक समूह कुहावंगु दु ।

कुल २२८ कम्पनीया कारोबार जुगु खः। थुकिइ कुल ४० हजार २३ गु कारोबारपाखे ५२ लाख २७ हजार ३५९ कित्ता सेयर किनबेच जुगु खः। 

२ अर्ब ३२ करोड ८४ लाख ३४ हजार २७३ रुपैयाँया कारोबार जुगु दु। जाल्पा सामुदायिक लघुवित्त वित्तीय संस्थाया सेयर भाः १० प्रतिशतं थहावना २४४८.६० रुपैयाँ थ्यःगु दु। तेह्रथुम पावर कम्पनीया भाः ६.२० प्रतिशतं थहावना ५१४ रुपैयाँ कायम जुगु दु। 

Categorized in राष्ट्रिय