२०७९ श्रावण २५, बुधबार

थिमि नगरपालिका–२ या वडाध्यक्षय् नेपाली कांग्रेसया श्रीकृष्ण श्रेष्ठ निर्वाचित

लहनान्युज | बछलाथ्व चतुर्दशी ११४२, जेष्ठ १ आईतवाः

मध्यपुरथिमि नगरपालिका–२ या वडाध्यक्षय् नेपाली कांग्रेसया श्रीकृष्ण श्रेष्ठ निर्वाचित जुगु दु।

श्रेष्ठं ९८८ मत हया निर्वाचित जुगु खः। अथेहे नेकपा (एमाले) या प्रकाश थापामगरं ८९४ मत हःगु खः। वडा सदस्यय् एमालेया रविन सिजापति, अम्बिका रजत व सरिता अर्याल व कांग्रेसया शेखर थापामगर निर्वाचित जुगु खः।

अथेहे मध्यपुरथिमि नगरपालिकाया प्रमुखय् उम्मेदवार कांग्रेसया सुरेन्द्र श्रेष्ठं २ हजार ७९९ मत हःगु दु सा एमालेया मदनसुन्दर श्रेष्ठं २ हजार ११३ मत हःगु दु।

उपप्रमुखय् एमालेया उत्तरा नेपालं २ हजार ४७० मत काउगु दु सा नेकपा माओवादी केन्द्रया विजयकृष्ण श्रेष्ठं १ हजार ६५३ हःगु दु। मत गणना आः न जुयाच्वंगु दु।

Categorized in राष्ट्रिय