मधेस प्रदेशया छगु जब महानगरपालिका पर्साया वीरगञ्ज महानगरपालिया मेयरय् गठबन्धनपाखे जसपाया उम्मेदवार राजेशमान सिंहं २ हजार २ सय ८२ मत हया न्ह्यने लागु दु।

अथेहे नेकपा एमालेया उम्मेदवार विजयकुमार सरावगीं ९ सय १६ मत हउगु दु। अन आःतक वडा नम्बर १, २, ३१ व ३२ या मतगणना जुयाच्वंगु दु।

गठबन्धनय् नेपाली कांग्रेस, नेकपा (माओवादी केन्द्र), नेकपा (एकीकृत समाजवादी) व जसपा दथुइ तालमेल याना सिंहयात उम्मेदवार दयकूगु खः।

एमाले व लोसपा दथुइ तालमेल याना वीरगञ्जया निवर्तमान मेयर सरावगीयात उम्मेदवार दयकूगु खः।

Categorized in राष्ट्रिय