रुपन्देहीया भैरहवाय् च्वंगु गौतम बुद्ध अन्तर्राष्ट्रिय विमानस्थल थौं निसे औपचारिक उलेज्या जुगु दु।

थौं नेपाल वायुसेवा निगमया न्यारोबडी जहाज व कुबेतं वंगु जजिरा एयरबेजया जहाज अवतरण याउगु दु। विमानस्थल कार्यालयया कथं नेपाल वायुसेवा निगमया न्हापागु जहाज थौं सुथय् ६ बजे जुया ५५ मिनेटय् व जजिराया जहाज ७ बजे जुया ८ मिनेटय् अवतरण याउगु दु।

थ्व नाप नेपालय् निगुगु अन्तर्राष्ट्रिय विमानस्थलपाखे व्यवसायिक उडान न्ह्याउगु दु। निगमं येँपाखे कमर्सियल उडान याउगु खःसा जजिराया जहाज दोहापाखे कुबेत ट्रान्जिट याना नेपाः वंगु खः।

Categorized in राष्ट्रिय