थौं मंगलबाः नेप्से ४५.५९ अंकं घटे जुगु दु। थौं हाकन बजाः २०२०.२३ बिन्दुइ वया रोके जुगु दु।

म्हिगः न सोमबाः न बजाः दोहोरो अंकं घटे जुगु खः। थौं मंगलबाः २३४ कम्पनीया जक २८ हजार ९५९ गु कारोबारपाखे ३८ लाख ८७ हजार ७४८ कित्ता सेयर किनबेच जुगु खः।

मंगलबाः कारोबार रकम धासा १ अर्ब ३१ करोड २८ लाख ६ हजार ५६३ रुपैयाँ बराबर जुगु खः। मंगलबाः उपकार लघुवित्त वित्तीय संस्थाया भाः धासा सकारात्मक सर्किट लगे जुगु खः। १० प्रतिशतं थहावना २१२६ रुपैयाँ थ्यःगु खः।

बलेफी हाइड्रोपावरया भाः ९.९८ प्रतिशतं थहावना २०३.९० रुपैयाँ थ्यःगु खः। अथेहे माउण्टेन इनर्जी ३.८२ प्रतिशतं घटे जुगु खःसा हिमालयन बैंकया भाः नेगेटिभ सर्किट लेवलं घटे जुगु खः।

९.९७ प्रतिशतं घटे जुगु थुगु कम्पनीया भाः ३२३.१० रुपैयाँय् क्वहावःगु खः। एनआइसी एसिया बैंक दकलय् अप्पो कारोबार जुगु खः।

Categorized in राष्ट्रिय