भारतय् १६ दँ दुम्ह छम्ह अनलाइन कासा पबजी म्हित्यके मबिउगुलि मांयात हत्या यानाबिगु दु।

थुगु घटना भारत लखनउया यमनापुरम कोलोनी याउगु खः। भारतया समाचार एजेन्सी पीटीआईया कथं १६ दँ दुम्ह पबजीया लत लगे जुगु खः।

तर मांम्हेसिया वयात पबजी म्हित्यः मबिउगुलि तं पिकया थः अबुया लाइसेन्स दुगु पेस्तोलं गोली क्यय्का हत्या यानाबिउगु खः। वया अबु भारतीय सेनाय् ज्यायाइम्ह खः।

वंगु आइतबाः सुथय् ३ बजेति पबजीया लतय् लगे जुम्ह काय् न थः मांयात हत्या यानाबिउगु खः। मंगलबाः उम्ह मचां घटनाबारे थः अबुयात जानकारी बिउगु धका समाचारय् उल्लेख याउगु खः। वया अबुं जलाखलां धया प्रहरीयात सूचं बिउगु खः।

Categorized in अन्तर्राष्ट्रिय