ज्यापुन्हियात दकलय् ताः हाकःगु न्हि कथं नेपालय् कायेगु याइ। पश्चिम देशय् जून २१ तारीखयात दकलय् ताःहाकःगु दिं कथं कायेगु याइ।

थौंया दिं यलया मंललया लायकुलिइ विशेष संगीत महोत्सव जुइ। थनिं ४०० दँ न्ह्यः जुजु सिद्धिनर्सिङ मल्लया पालंनिसें यलया लायकूलि संगीत महोत्सव जुया वयाच्वंगु खः।

उगु संगीत महोत्सवय् जुजु सिद्धिनर्सिङ मल्लं चिनातःगु ३२ गु राग हालेगु चलन दु।

थौं सुथंनिसें हे मंगलय् सिद्धिनर्सिङ मल्लया बिलंपौ व श्रीनिवास मल्लया सिंहासन ब्वयाः दाफा भजन हालाः सनिलय् सिंहासन लायकुलिइ हे तययंकिइ।

Categorized in राष्ट्रिय