जिल्ला समन्वय समिति (जिसस) चितवनया प्रमुखय् नेकपा एमालेया नारायण अधिकारी निर्वाचित जुगु दु।

सत्ता गठबन्धन व एमाले दथुइ निर्वाचनय् बराबर ७÷७ मत जुगुलि गोलाप्रथापाखे एमालेया अधिकारी विजयी जुगु खः।

गठबन्धनं जिसस प्रमुखय् पूर्णबहादुर रानाभाट उम्मेदवार जुगु खः। एमालें उपप्रमुखया उम्मेदवारी मबिउगुलि गठबन्धनपाखे एकीकृत समाजवादीया उम्मेदवार कल्पना काफ्ले सापकोटा उपप्रमुख निर्विरोध निर्वाचित जुगु खः।

जिल्लाय् न्ह्यम्ह पालिकाय् एमाले मेयर व उपमेयर नाप न्ह्यगू पदय् बिजयी जुगु खःसा माओवादीं भरतपुर महानगरपालिका, समाजवादीं राप्ती नगरपालिका व कांग्रेसं माडीइ उपमेयर, खैरहनी, रत्ननगरय् मेयर नाप राप्तीइ उपमेयर त्याकूगु खः।

Categorized in राजनीति