पिपुल्स पावर लिमिटेडं आयोजनापाखे असर जुपिन्त स्थानीय बासिन्दाया लागि साधारण सेयर निष्कासन नाप बिक्री खुल्ला याउगु दु।

कम्पनीं वइगु असार ८ गतेनिसे प्रतिकित्ता १०० रुपैयाँया दरं ६ करोड ३२ लाख ६० हजार रुपैयाँ मूल्य बराबरया ६ लाख ३२ हजार ६०० कित्ता प्रारम्भिक सार्वजनिक निष्कासन (आईपीओ) बिक्री खुल्ला याइगु जुगु दु।

कुल निष्कासनमध्ये आयोजनापाखे असर जूपिन्त इलाम जिल्लाया इलाम नगरपालिका–१ व ४ य् च्वपिन्त १ लाख ८९ हजार ७८० कित्ता व उगु वडाबाहेक इलाम जिल्लाय् च्वपिन्त असार २२ गते तक ४ लाख ४२ हजार ८२० कित्ता सेयर खरिदया लागि आवेदन बिइफइगु जुगु दु।

उगु इलय् न मवसा  साउन ५ तक न्यूनतम १० कित्तानिसे अधिकतम ५० हजार कित्ता सेयर खरिदया लागि हाकनः आवेदन बिइ फइ धका सार्वजनिक याउगु आह्वान पत्रय् उल्लेख याउगु दु। कम्पनीं इलाम जिल्लाय् इलाम नगरपालिका–१ व ४ य् पुवा खुसिइ ४.९६ मेगावाट क्षमताया पुवा–२ जलविद्युत् आयोजना निर्माण याउगु खः।

Categorized in राष्ट्रिय