२०७९ आषाढ १४, मंगलबार

मोरङ जिससय् एमालेया प्यानल निर्वाचित

लहनान्युज | तछलाथ्व पुन्हि ११४२, जेष्ठ ३१ मंगलवाः

मोरङया जिल्ला समन्वय समिति (जिसस) नेकपा एमालेया प्यानल हे निर्वाचित जुगु दु।

विराटनगरय् थौं मंगलबाः जुगु निर्वाचनय् प्रमुख अजम्बर राई प्रमुख व उषा झा उपप्रमुखय् २१/२१ मत हया विजयी जुगु दु धका मुख्य निर्वाचन अधिकृतया कार्यालय सूचना अधिकारी हेमबहादुर बुढाथोकीं जानकारी बिउगु दु।

काङ्ग्रेसपाखे प्रमुख उम्मेदवार जितेन्द्र अग्रवाल व उपप्रमुख उम्मेदवार निलमकुमारी सरदारं १३/१३ मत हःगु खः। मिसा सदस्यय् एमालेया उम्मेदवारपि उमा नेपाली, उर्वशीकुमारी थारु व हरिमाया विश्वकर्मा विजयी जुगु खः।

उकि मध्ये नेपालीं २३, थारु व विश्वकर्मा न २१/२१ मत हःगु खः। काङ्ग्रेसपाखे मिसा सदस्य उम्मेदवारपि गीताकुमारी विश्वकर्मा  ११, जुमु खातुन व मीनादेवी विश्वासं १३/१३ मत हःगु खः।

जिससया मेपि सदस्यय् एमालेया तुलसीप्रसाद घिमिरे, देवमणि कटुवाल व मित्रप्रसाद ढकाल निर्वाचित जुगु खः। घिमिरें व ढकालं २२/२२, कटुवालं २१ मत हःगु खः। दलित/अल्पसङ्ख्यक सदस्य एमालेया चन्द्रबहादुर सरदार निर्विरोध निर्वाचित जुगु खः। 

Categorized in राजनीति