निर्वाचन आयोगं मतदाता नामावली संकलन व अद्यावधिक ज्या असार १ गतेनिसे सञ्चालन याइगु जुगु दु।

वइगु प्रदेशसभा व प्रतिनिधिसभा सदस्य निर्वाचनया लागि लक्षित यासे आयोगं नामावली संकलन व अद्यावधिक ज्या न्ह्याके त्यःगु खः।

अथेहे मतदातां मतदाता नामावलीइ च्वंगु थःगु नां, थाय्, जन्ममिति लगायतया विवरण भिंकेगु प्रमाण नापं निवेदन बिइमाः धका आयोगं धाउगु दु।

आयोगया कथं मतदातां मखुगु विवरण बिया मतदाता नामावलीइ नां दुथ्याकू मनूया प्रमाण नाप उजुरी बिलकि उगु नां दर्ता अधिकारीं छानबिन याना उगु नां हटे याइ धका धाउगु दु।

Categorized in राष्ट्रिय