येँया शाक्य महाविहार संघया ग्वसालय् ज्यापुन्हिया लसताय् मङ्गलबाः छगू तःजिक पन्जरां ज्याझ्वः जूगु दु।

बौद्ध धर्मया ख्यलय् दानया तःधंगु महत्व दयाच्वंगुयात विशेष प्राथमिकता बिया पंचबुद्धया प्रतिक कथं श्रद्धेय स्थविर थाय्पा आजूपिन्त येँया श्रीगणेश व श्रीभैरवया समुपस्थितिइ श्रीघः विहारय् पंचदान प्रदान यायगु ज्याझ्वः महाविहार संघया ग्वसालय् ज्याःपुन्हि कुन्हु याःगु खः।

नापं उगु ज्याझ्वलय् लायकूया श्री कुमारीयात दान प्रदानया झ्वलय् भाग देछाःगु खः। येँ देया शाक्यपिं वन्दे लुइगु (प्रवज्याभिषेक) बिइगु झिगू बहाःया न्याम्ह न्याम्ह याना मुक्कं न्येयम्ह (५०) श्रद्धेय थाय्पा वा बहाःया प्रतिनिधिपिन्त बज्रयानी विधिविधान कथं पंज्ररां बिइगु ज्या यानागु खँ संघया मूछ्याञ्जे संघरत्न शाक्यं न्ह्यथना दिल।

संघया नायः शुभकाजी शाक्यया सक्रियताय् न्ह्याःगु थुगु ज्याझ्वलय् संघया जःपिन्सं व्यवस्थापनया ज्या न्ह्याकुगु खःसा थीथी बहाःया आपालं दुजःपिन्सं धर्मचित्त उत्पति याना दान प्रदान याःगु खः। बौद्ध परम्परा अनुसार येँय् भाद्र कृष्ण त्रियोदशी, गुँलागा जुगः च¥हेया दिनय् पंज्ररां न्यायकेगु प्रचलन दयाच्वंगु दु।

Categorized in राष्ट्रिय