२०७९ आषाढ १४, मंगलबार

मिसापिन्त छ्यला ब्ल्याकमेल याइपि खुम्हेसित प्रहरीं ज्वन

लहनान्युज | तछलागा तृतीया ११४२, असार ४ शुक्रवाः

मिसापिन्त छ्यला ब्ल्याकमेल याउगु द्धपनय् प्रहरीं खुम्हेसित ज्वःगु दु।

उपत्यका अपराध अनुसन्धान कार्यालय, बानेश्वरं स्वनिगःया थीथी थासय् अपराधिक लाभ कायेगु कथं मिसापिन्त छ्यला ब्ल्याकमेल याइगु गिरोहयात ज्वःगु दु।

कार्यालयया प्रहरी उपरीक्षक (एसपी) कृष्णप्रसाद कोइरालाया कथं सूर्यविनायक–९ ख्वपय् च्वम्ह १९ दँ दुम्ह निकिता केसी, ढुसेनी–३, काभ्रपलाञ्चोकया १८ दँ दुम्ह मनिषा परियार, हलेसी–७, खोटाङया ३२ दँ दुम्ह डिकबहादुर शर्मा, इटहरी–७, सुनसरीया ३० दँ दुम्ह सञ्जिब दर्जी, मेलुङ–५, दोलखाया २५ दँ दुम्ह निमा लामा व ३० दँ दुम्ह पासाङ लामायात प्रहरीं ज्वःगु दु।

एसपी कोइरालाया कथं उमिसं सामाजिक सञ्जालया माध्यमं मिसापि छ्यला मिजंपिन्त खाजा नयेगु बहानाय् रेष्टुरेन्टय् नापलायेगु। वया लिपा उमिगु छेँ, कार्यालय नाप सवारीसाधन लगायतया दक्को विवरण काउयेगु याइ। ‘दक्को विवरण संकलन याना मखुगु मुद्दा तया फसे यानाबिइगु धम्की बिइगु याइगु खः।

Categorized in अपराध