थौंनिसे ५ निसे ११ दँ दुपि कोरोना विरुद्धया न्हापागु मात्राया खोप बिइगु जुगु दु।

बिद्यार्थीपिन्त थः ब्बनाच्वंगु स्कूलय् हे खोप बिइगु व्यवस्था मिले याउगु दु। मचापिन्त फाइजर–बायोएनटेक खोप बिइ त्यःगु खः। थुगु खोप मचापिन्त ०.२ एमएलया दरं निगु डोज बिइत्यःगु खः।

जिल्ला स्वास्थ्य कार्यालय येँया प्रमुख बसन्त अधिकारीं थुगु खोपया प्रभावकारिता ९१ प्रतिशत दु धका धाउगु दु।

न्हापागु चरणय् स्वनिगः नाप २७ जिल्लाय् असार ९ निसे १५ गते तक न्हापागु मात्राया खोप बिइगु जुगु सा निगुगु  मात्रा वइगु साउन २ निसे ८ गते तक बिइ त्यःगु खः।

Categorized in राष्ट्रिय