२०७९ श्रावण २५, बुधबार

मूर्त–अमूर्त सम्पदा संरक्षणया लागि बाजं लल्हात

लहनान्युज | तछलागा त्रयोदशी ११४२, असार १२ आईतवाः

बाग्मती प्रदेशया सांसद नाप पूर्व आन्तरिक मामिला तथा कानून मन्त्री डा. अजयक्रान्ति शाक्यं मूर्त–अमूर्त सम्पदाया संरक्षणय् थः निरन्तर लगे जुइ धका प्रतिवद्धता व्यक्त यानादीगु दु।

बाग्मती प्रदेश सरकारं विषयगत मन्त्रालय अन्तर्गत तत्कालीन उद्योग, पर्यटन, वन तथा वातावरण मन्त्रालयया लागि आर्थिक वर्ष २०७८–०७९ य् विनियोजित रुकम ५० लाखं येँया निर्वाचन क्षेत्र नं. ९ (क) अन्तर्गतय् येँ महानगरपालिका वडा १२, १४, २१ व २२ य् ४४ गु थीथी बाजं खलःपिन्त बाजं लल्हागु खः।

शाक्यया मूपाहाँसुइ प्यंगु वडाय् ४४ धिमे बाजं खलः, गुँला बाजं खलः, नायखिं बाजं खलः व भजनमण्डल नाप परम्परागत बाजं सञ्चालन याना वयाच्वपि खलःपिन्त मेधा नेपाल येँ महानगर २१ वडाया व्यवस्थापनय् उगु बाजं लःल्हागु खः।

Categorized in राष्ट्रिय