बागमती प्रदेशय् सत्तारुढ नेपाली कांग्रेस व नेकपा माओवादी केन्द्रं मुख्यमन्त्री हिलेगु तयारी सुरु याउगु दु।

सत्तारुढ गठबन्धनया सहमतिइ मुख्यमन्त्री जुम्ह नेकपा एकीकृत समाजवादीया राजेन्द्र पाण्डे न सहमति कार्यान्वयन मयाउगु धासे कांग्रेस व माओवादी केन्द्रं मुख्यमन्त्री हिलेगु लागि दबाव बिइगु कथं थौं बिहीबाः सांसदपिनिगु हस्ताक्षर संकलन याउगु दु।

बागमती प्रदेशय् कांग्रेस, माओवादी केन्द्र व एकीकृत समाजवादी दथुइ पालंपाः सरकार न्ह्याकेगु सहमति जुगु खःसा मुख्यमन्त्री पाण्डे न सहमति कथं राजीनामा मबिउसे आलटाल यानाच्वंगुलि दबाव बिइत हस्ताक्षर संकलन न्ह्याकगू धका सांसद सीता अधिकारीं धाउगु दु। पाण्डेलिपा कांग्रेसया इन्द्रबहादुर बानियाँ मुख्यमन्त्री जुइगु कथं स्वगु दल दथुइ सहमति जुगु खः।

तर पाण्डे धासा सत्ता गठबन्धनया शीर्ष तहया सहमति जूसा जक पद त्वत्येगु धका धयावया च्वंगु खः। थौं बिहीबाः कांग्रेस व माओवादी सांसदपिन्स खाली भ्वँतय् हस्ताक्षर याउगु दु।

Categorized in राष्ट्रिय