नेपाल आदिवासी जनजाति पत्रकार महासंघ (फोनिज) युके शाखा न स्थापना याउगु फोनिज युके पत्रकारिता सम्मान व सिरपा निम्ह फोनिजकर्मी पत्रकारपिन्त लःल्हागु दु।

फोनिज युके पत्रकारिता सम्मान २०२२ पाखे पत्रकार टिकाराम प्रधान व फोनिज युके पत्रकारिता सिरपा २०२२ पाखे पत्रकार निलिफा सुब्बा लःल्हागु दु।

येँ जुगु छगु ज्याझ््वः दथुइ आदिवासी जनजाति आयोगया अध्यक्ष राम बहादुर थाप मगरं निम्हेसित सम्मान यानादिगु खः। निम्हेसित न दसिपौ नाप म्हति २५ हजार नगद सिरपा लःल्हागु खः।

फोनिज युके न सञ्चारक्षेत्रपाखे आदिवासी जनजाति समुदाय विकासया लागि च्वसा न्ह्याकाच्वपि पत्रकारपिनिगु लागि दँय् सिरपा लःल्हानाच्वंगु खः। उगु ज्याझ्वलय् न्ववानादीसे आदिवासी आयोगया अध्यक्ष राम बहादुर थापा मगरं आदिवासी जनजातिपिनिगु हकहित व अधिकार सुनिश्चिताया लागि फोनिजकर्मीपिनिगु तःधगु ल्हाः दु धका धयादीगु खः।

नेपाल आदिवासी जनजाति महासंघया अध्यक्ष गेल्जे लामा शेर्पा न थज्यागु सिरपा न आदिवासी जनजातिया मुद्दाय् च्वसा न्ह्याकिइगुलि प्रोत्साहन जुइ धका धयादीगस खः।

नेपाल आदिवासी जनजाति पत्रकार महासंघ (फोनिज) संघीय समितिया ग्वसालय् उगु सिरपा लल्हायेगु ज्या जुगु खः।

Categorized in राष्ट्रिय