मोरङय् कोरोनां छम्ह मन्त
लहनान्युज | दिल्लागा द्धितीया ११४२, असार ३१ शुक्रवाः
जिल्ला कारागार मोरङय् कोरोना फैलै जुगु दु। विराटनगर महानगरपालिका–८ य् च्वंगु कारागारय् छु दिं निसे कोरोना फैलै जुयाच्वंगु दु।
कारागार प्रशासनं यक्को ज्वरो वयेवं बिहीबाः १९ म्हा कैदीपिन्त कोसी अस्पताल भर्ना याउगु खः। भर्ना जूपि मध्ये छम्ह बिहीबाः हे मदुगु खः।
१८ म्ह उपचार याना च्वंगु दु। अस्पताल वःपि मध्ये १६ म्हेसित एन्टिजेन पोजेटिभ खने दुगु खः। निम्हेसिगु रिपोर्ट नेगेटिभ वंसा उमिनाप कोरोना नाप मिले जुगु लक्षण खनेदुगु दु।
बिहीबाः यक्को ज्वरो वया कोसी अस्पतालय् उपचारया झ्वलय् सुन्दरहरैँचा नगरपालिका–४ या ३९ दँ दुम्ह कैदी नीरबहादुर नेपाल मदुगु खः। उगु कारागारय् १ हजार ८७ म्ह कैदी बन्दी दुगु खः।
Categorized in राष्ट्रिय