येँ दुनेया बँ पसः चिइकेगु अभियान मदिक्क न्ह्याकेगु नितिं येँ महानगरपालिकाया मेयर बालेन शाहयात ज्ञापन पौ लःल्हाइगु जूगु दु।

थौं शुक्रवाः येँया नेपाः ब्यांक्वेटय् नेवाः जागरण मञ्चं ग्वसालय् बँ पसःयात कयाः नेवाः सरोकार विषयस जूगु सहलह मुँज्या थथे क्वःछ्यूगु खः।

उगु सहलह मुँज्याय् नेवाः देय् दबूया न्वकू उमेश स्थापित, अभियन्तापिं सुमन सायमि, गणपतिलाल श्रेष्ठ, यादवलाल कायस्थ, मनिष मानवलिसें थीथी क्लब व संघसंस्थाया प्रतिनिधिपिन्स बँ पसः चिइकेगु अभियानयात ताःलाकेगु नितिं ग्वाहालि यायेगु व थुकियात मदिक्क न्ह्याकेगु नितिं खबरदारी यायेगु सहलह जूगु खः।

Categorized in राष्ट्रिय