भाष्कर कीर्ति महाविहार यतखा बहाःया पुनः निर्माण क्वचागु दु। उगु समापन ज्याझ्वलय् मूपाहाँ बागमती प्रदेशया सांसद राजेश शाक्यंं ताम्रपत्र उलेज्या यानादीगु खः।

वयकलं पुनः निर्माणया ज्याझ्वलय् आर्थिक रुपं ग्वाहालि यानादीपिन्त हनापौ नं देछानादीगु खः। यतखा बहाः पुनः निर्माण समितिया ग्वसालय् न्ह्याःगु उगु ज्याझ्वलय् चन्दा बियादीपिन्त येँ महानगर पालिका वडा नं १९ या वडाध्यक्ष राजेश श्रेष्ठं दोसल्लां न्यय्कादीगु खः।

समितिया अध्यक्ष तेजरत्न ताम्राकारया सभाध्यक्षताय् जुगु उगु ज्याझ्वलय् छ्याञ्जे शेख नारायण महर्जनं न्ह्याकूगु उगु ज्याझ्वलय् समितिया दांभरिं पवन शाक्य ल्याःचाः न्ह्यः ब्वयादीगु खः।

किपा सुगतरत्न सिन्दुराकार

Categorized in राष्ट्रिय