२०८१ आषाढ ७, शुक्रबार

श्रीलंकाय् थौं राष्ट्रपति पदय् निर्वाचन

लहनान्युज | दिल्लागा सप्तमी ११४२, साउन ४ बुधवाः

श्रीलंकाय् थौं राष्ट्रपति पदय् निर्वाचन जुइत्यःगु दु।

थ्व स्वया न्ह्यःयाम्ह राष्ट्रपति गोटाबाया राजापाक्षं राजीनामा बिइवं न्हुम्ह राष्ट्रपति ल्ययेत्यःगु खः। आर्थिक संकट वयेवं आन्दोलन तःच्वःगुलि राष्ट्रपति गोटाबाया देश त्वःता बिस्यु वःगु खः।

आः अन्तरिम राष्ट्रपति जुम्ह रनिल विक्रमसिंघे हे न्हुम्ह राष्ट्रपति जुइगु सम्भावना दु धका अनया समाचार एजेन्सीपिन्स धाउगु दु। संसदय् राष्ट्रपति पदया निर्वाचन न्ह्यः हे श्रीलंकाय् आपतकाल घोषणा याउगु खः।

थ्व स्वया न्ह्यः राष्ट्रपति पदया मेम्ह दाबेदार विपक्षी नेता सजिथ प्रेमादासां मंगलबाः राष्ट्रपति ल्यज्याय् थः मदु धका धाये धुकुगु खः।

Categorized in अन्तर्राष्ट्रिय