स्वनिगःया फोहर व्यवस्थापनया ज्या थौंनिसे रोके जुगु दु। थ्व स्वया न्ह्यः फोहर व्यवस्थापन याना वयाच्वंगु नुवाकोटया सिसडोलय् दीर्घकालीन फोहर व्यवस्थापन जुइगु थाय् बञ्चरेडाँडा वनिइगु २ किलोमिटर लँ मर्मत यायेगु ज्या जुयाच्वंगुलि छवाः तक फोहोर ढुवानीया ज्या बन्द याउगु खः।

सहरी विकास मन्त्रालयं फोहरया गाडी वयेगु वनेगु लँ मर्मतया ज्या जुयाच्वंगु धासे येँ महानगरपालिकायात छु दिं फोहोर ढुवानीया गाडी चले मयायेत इनाप याउगु दु।अथे इनाप याउगु कथं येँ महानगरं थौंनिसे फोहोर व्यवस्थापन ज्या रोके याउगु खः।

न्हि न्हि स्वनिगलय् १ हजार २०० मेट्रिकटन फोहोर सिसडोलय् व्यवस्थापन याना वयाच्वंगु खः। उकिमध्ये येँ  महानगरपाखे ५०० मेट्रिकटन फोहर फिहावइ। निजी व येँ महानगरं न्हि २०० गः गाडी फोहर वनाच्वंगु खःसा आः मुस्किलं ५० गः गाडी जक सिसडोल वनाच्वंगु दु।

Categorized in राष्ट्रिय