भारतया १५ क्वःगु राष्ट्रपतिया लागि जुगु निर्वाचनया मतगणना सुरु जुगु दु।

बिहीबाः सुथय् ११ बजेनिसे संसद् भवनया ६३ नम्बर कोठाय् मतगणना न्ह्यागु खः। मतगणना क्वचायेवं लिच्वः सार्वजनिक याइ धका द इकोनोमिक टाइम्सं धाउगु दु। थ्व हे जुलाई १८ य् सुथय् १० निसे ५ बजेतक शान्तिपूर्ण रूपं मतदान सम्पन्न जुगु खः।

सत्तारूढ गठबन्धन एनडीएपाखे द्रौपदी मुर्मु व विपक्षी दल त्रिणामुुल कांग्रेसपाखे यशवंत सिन्हा प्रतिस्पर्धा याउगु खः। भारतीय सञ्चारमाध्यमया कथं मुर्मु विजयी जुइगु यक्को सम्भावना दु धका धाउगु दु।

मुर्मु निर्वाचित जुल धासा भारतय् आःतक दकलय् न्हापा शीर्ष संवैधानिक पदय् थ्यनिम्ह न्हापाम्ह आदिवासी मिसा जुइ।

Categorized in अन्तर्राष्ट्रिय