२०७९ आश्विन २०, बिहिबार

निवर्तमान अर्थमन्त्री जनार्दन शर्माया बयान क्वचाल

लहनान्युज | दिल्लागा अष्टमी ११४२, साउन ५ बिहीवाः

संसदीय छानबिन विशेष समितिइ निवर्तमान अर्थमन्त्री जनार्दन शर्मायात बयान कायेगु क्वचाःगु दु।

बयान कायेगु झ्वलय् शर्मां बजेट निर्माणय् अनधिकृत मनूपिनिगु संलग्नता मदु धका धाउगु दु। बयानलिपा वयकलं पत्रकारपिन्स न्यःगु न्ह्यसःया लिसः मबिउसे पिहावंगु खः।

शर्मां,‘जि वयकःपिन्स न्यःगु न्ह्यसःया लिसः बिइ धुकागु दु, ल्यःदनिगु खः वयकःपिन्स हे धाइ।’ धका धयादीगु खः।

आर्थिक वर्ष २०७९/८० या बजेट निर्माणया झ्वलय् अनधिकृत मनूपिनिगु संलग्नताय् करया दर हेरफेर याउगु द्धपः फयावया च्वगु खः सा उगु आरोपबारे ११ सदस्यीय संसदीय समितिं छानविन याना वयाच्वंगु खः।

थौं सुथसिया बैठकय् निवर्तमान मन्त्री शर्मायात सःतूगु खः। समितिं शर्मायात स्वघौं न मल्याक सोधपुछ याउगु खः।

Categorized in राजनीति