ओमिक्रोन भेरियन्टया उपप्रजाति बीएफ.वान नेपालय् न खनेदुगु दु।

धुलिखेल अस्पतालया मोलिक्युलर एन्ड जिनोमिक सिक्वेन्सिङ रिसर्च ल्याबय् परीक्षण याउगुलि ओमिक्रोनया न्हुगु उपप्रजाति ‘बीएफ.वान’ पुष्टि जुगु दु।

कोरोना संक्रमण पुष्टि जुगु २२ गु नुमनायात आनुवंशिक परीक्षण (जिन सिक्वेन्सिङ) पाखे स्वगुलि थीथी उपप्रजाति खनेदुगु खः। थुगु प्रजातियात विश्व स्वास्थ्य संगठनं ‘भेरियन्ट अफ कन्सर्न’ घोषणा याउगु खः।

थ्व गुलि ग्यानापुसे च्वः धका धासा अध्ययन जुयाच्वंगु दु। विश्व स्वास्थ्य संगठनं वंगु असारय् ‘बीएफ.वान’ युरोपय् खनेदुगु पुष्टि याये धुकुगु खः। लिपागु निवाः दुने येँया अस्पतालय् भर्ना जूपिन्त कोरोना संक्रमितया निगुगु डोज खोप कायेधुपिन्त न खनेदुगु खः।

स्वास्थ्य तथा जनसंख्या मन्त्रालयया तथ्यांक कथं नेपालय् आः संक्रमणदर १० प्रतिशत स्वया अप्पो जुइ धुकुगु दु। विज्ञया कथं थ्व कोरोनाया प्यंगु लहर खः।

Categorized in राष्ट्रिय