युक्रेनया राष्ट्रपति भ्लोदोमिर जेलेन्स्कीं रुसं कब्जा यानातःगु थाय् लितः मबिउतले युद्धविराम जुइ मखु धका धाउगु दु।

द वाल स्ट्रीट जर्नलनाप खँल्हायेगु झ्वलय् युक्रेनी राष्ट्रपति जेलेन्स्कीं रुसं कब्जा यानातःगु थाय् लितः मबिउतले युद्धविराम यायेगु इलय् रुसयात अपूइ मखु धका धाउगु खः।

युद्धविरामया फाइदा कया रुसं युद्धया थप तयारी याइगु व हाकनं आक्रमण याइगु जुगुलि भलसा दुगु सम्झौताविना युद्धविराम याये मज्यु धका जेलेन्स्कीं धाउगु खः।

थीथी  त्वहः तया रुसं तत्कालीन सोभियत संघय् आबद्ध राज्ययात थःगु नियन्त्रणय् कायेगु कुतः यानाच्वंगु धासे युक्रेनी राष्ट्रपति जेलेन्स्कीं रुसयात हलियकं दवाब व प्रतिबन्ध मतःतले हलियकं रुसया गतिविधि खतरनाक जुयावनि धका दाबी यानदीगु खः।

Categorized in अन्तर्राष्ट्रिय