२०८० चैत्र १६, शुक्रबार

तीनकुनेय् कल सेन्टरय् प्रहरीं छापामारयात

लहनान्युज | दिल्लागा द्धादशी ११४२, साउन ९ सोमवाः

तीनकुनेया गैह्रिगामय् चिनियाँ नागरिकं चले यानावया च्वंगु कल सेन्टरय् थौं सोमबां प्रहरीं छापामारे याउगु दु।

व्यवसायी सुरज वैद्यया छेँय् बालं कया उमिसं कल सेन्टर चले यानावया च्वंगु खः। तर प्रहरीपि अन थ्यःगु धासा थ्व हे न्हापागु पटक धासा मखस।

अन खुला न्ह्यःनिसे कलसेन्टरय् ज्या याइम्ह सञ्चालक व कर्मचारी दथुइ विवाद जुयाच्वंगु खः। ‘सञ्चालकया खाताय् वनेमाःगु ध्यवा तःपिक कर्मचारीया मोबाइलय् वनेवं सकसिगु मोबाइल जफत यानागु खः’, येँया प्रहरी छम्ह अधिकृत धाउगु दु,‘मोबाइल सञ्चालकं लाका कायेवं कर्मचारी व सञ्चालन दथुइ झगडा ल्वापू जुल।’ विवाद जुइवं प्रहरीयात सःतूगु खः।

प्रहरीयात सर्च अपरेशन यायेत न्ह्यम्ह मिसा कर्मचारीपिन्स पनेवं उमित नियन्त्रणय् कया प्रहरी वृत्त, गौशालाय् तयातःगु दु। थप अनुसन्धान जुयाच्वंगु दु धका येँया प्रहरी प्रमुख एसएसपी भरत बोहोरां धाउगु दु। म्हिगः आइतबाः न प्रहरीं बुटवलय् चिनियाँ नागरिकं चले याना वयाच्वंगु कल सेन्टरय् छापामारे याउगु खः।

Categorized in अपराध