प्रहरीं वीरगञ्जय् एटीएम मेसिन तछ्याना खुँया यकेगु कुतःयाःपि निम्हेसित ज्वःगु दु।

बाराया कलैया उपमहानगरपालिका च्वम्ह २७ दँ दुम्ह राजकपुर चौधरी व जीतपुर सिमरा उपमहानगरपालिका– ५ य् च्वम्ह २५ दँ दुम्ह अजय चौधरीयात प्रहरीं ज्वःगु खः।

साउन ८ गते चान्ह्यः १०ः५३ बजेति वीरगञ्ज महानगरपालिका–८ य् माछापुच्छ्रे बैंकया एटीएम मेसिन तछ्याना च्वंगु इलय् उमित ज्वनागु खः धका जिल्ला प्रहरी कार्यालय पर्साया प्रवक्ता प्रहरी नायब उपरीक्षक प्रल्हाद कार्की न जानकारी बिउगु दु।

उपित खुँयाच्वंगु सम्बन्धी कसुरय् साउन ९ गते पर्सा जिल्ला अदालतपाखे न्ह्यन्हुया म्याद अनुमति कया थप अनुसन्धान यानाच्वनागु दु धका जिल्ला प्रहरी कार्यालय पर्सां धाउगु दु।

Categorized in अपराध