२०८० चैत्र १५, बिहिबार

मंसिर ४ गते निर्वाचन घोषणा जूसा अजू चायेम्वाः– निर्वाचन आयुक्त थपलिया

लहनान्युज | दिल्लागा त्रयोदशी ११४२, साउन १० मंगलवाः

प्रमुख निर्वाचन आयुक्त दिनेश थपलियां मन्त्रिपरिषद बैठकं मंसिर ४ गते प्रदेश व प्रतिनिधिसभा निर्वाचन यायेगु घोषणा जूसा अजू चायेम्वाः धका धयादीगु दु।

आयोगं मंसिर २ तिथि उपयुक्त जुइगु धका परामर्श बिउगु दु। तर उगु दिं शुक्रबाः जुगुलि निन्हु लिपा ४ मंसिर आइतबाः यायेत प्रधानमन्त्री व मन्त्रीपि नाप आयोगया पदाधिकारी पिनिगु छलफल जुगु दु धका धयादीगु खः।

स्थानीय तह निर्वाचनया लिच्वः व खर्च विवरण सार्वजनिक यायेत थौं मंगलबाः ग्वसाः ग्वगु पत्रकार सम्मेलनय् प्रमुख निर्वाचन आयुक्त थपलियां धाउगु दु, ‘आः मन्त्रिपरिषद् बैठकं मंसिर ४ या तिथि घोषणा याःसा अजू चाये मालिइ मखु।’

Categorized in राष्ट्रिय